الأسئلة الشائعة
كل اللي تسألون عنه عن الطلب والتخصيص والتوصيل في Mine.
وين ألقى قرطاسية مخصصة بالاسم في الكويت؟
Mine ورشة كويتية متخصصة في القرطاسية المدرسية المخصصة بالاسم، تأسست سنة ٢٠٢٥. تقدرين تطلبين من minekuwait.com أو عبر إنستقرام @mine.kuwait. الدفاتر والبكجات والبادجات والطوابع والميداليات كلها تُنفّذ بالاسم.
كيف أطلب منتج بالاسم؟
اختاري المنتج، واكتبي الاسم بالضبط في خانة التخصيص داخل صفحة المنتج، ثم اختاري عربي أو English وراجعي الكتابة قبل الدفع. إذا ما ظهرت خانة الاسم أو كان الطلب خاص، تواصلي ويانا على واتساب 69679799.
كم يستغرق تجهيز الطلب؟
يختلف حسب المنتج. المنتجات الجاهزة مثل السكوشي والسلايم تطلع بسرعة، أما المنتجات المخصصة بالاسم فتحتاج وقت تنفيذ — الدفتر الواحد ياخذ ساعة إلى ساعة ونص شغل يدوي. في مواسم المدارس والأعياد المدة تطول شوي. لو طلبج لتاريخ محدد، راسلينا واتساب قبل ما تطلبين ونقوللج بالضبط.
هل توصلون خارج الكويت؟
التوصيل الأساسي داخل الكويت. الشحن لدول الخليج ممكن بالطلب — راسلينا على واتساب 69679799 قبل الطلب عشان نتفق على الشحن والمدة.
كم رسوم التوصيل؟
رسوم التوصيل تظهر تلقائياً عند إتمام الدفع حسب المنطقة، وتقدرين تشوفينها قبل ما تأكدين الطلب.
شنو الفرق بين بكجات Mine المدرسية؟
أربع مستويات، كل واحد يزيد عن اللي قبله:
- البداية (Mine Starter): دفتر واحد بالاسم + طوابع مدرسية + تاق حقيبة
- الأساسي (Mine Basic): دفترين + طوابع + بادج مدرسي + تاق حقيبة
- الابتدائي (Mine School): دفترين + توت باق + بادج + طوابع + تاق حقيبة
- الكامل (Mine Pro): ثلاث دفاتر + توت باق + مقلمة ألوان + بادج + طوابع + تاق حقيبة
كل قطعة في أي بكج تجي باسم الطفل. وكل بكج فيه خيار ترقية تاق الحقيبة إلى تاق NFC الذكي.
هل أقدر أختار محتويات البكج بنفسي؟
إي. فيه خيار «صممي بكجج المدرسي بنفسج» — تختارين منتجاتج المفضلة وتحددين الأسماء والتفاصيل بدل ما تاخذين بكج جاهز.
شنو تاق NFC الذكي؟
تاق ينعلق على شنطة الطفل وفيه شريحة NFC. لما يُقرّب منه أي تلفون، تظهر معلومات تواصل الطوارئ اللي تحددينها — يعطي أمان أكثر في المدرسة والطلعات.
بأي لغة يُكتب الاسم؟
بالعربي أو بالإنجليزي — إنتي تختارين. تقدرين تطلبين اللغتين على قطع مختلفة في نفس البكج.
هل تسوّون توزيعات بكميات؟
إي — علب قرقيعان، حوامل عيدية، توزيعات أعياد ميلاد ومناسبات. للكميات الكبيرة تواصلي على واتساب قبل الموسم بوقت كافي — الشغل يدوي والطاقة محدودة.
هل المنتجات مصنوعة يدوياً فعلاً؟
إي. الدفاتر تُصنع من الصفر داخل الورشة: قص الغلاف، الورق اللامع الهولوغرافي، الطباعة، والتجليد بالسلك. بعض المنتجات مثل السكوشي والسلايم تُشترى جاهزة وتُنتقى وحدة وحدة، والقطع المطبوعة ثلاثياً تُطبع في الورشة.
هل أقدر أطلب تصميم من عندي؟
تصاميم الدفاتر المتاحة معروضة في إنستقرام @mine.kuwait. ولو تبين تصميم خاص من فكرتج، راسلينا واتساب ونشوف إذا ينفّذ.
كيف أتواصل معكم؟
واتساب 69679799 · إنستقرام @mine.kuwait · تيك توك @mine.kuwait